Marjan Wear par hum buyers aur sellers ke darmiyan aik mehfooz aur shaffaf (transparent) mahool farahim karte hain. Hamara MwXRw System dono parties ke tahaffuz ka zamin hai.

1. For Buyers 

Order & Verification: Order ke liye sahi Naam, Phone Number, aur Pata dena lazmi hai. Online Payment ke baad WhatsApp (03360750902) par Screenshot/Receipt bhejna lazmi hai, warna order confirm nahi hoga.

• Payment Protection: Online payment admin ke paas tab tak mehfooz rehti hai jab tak aapko sahi product mil na jaye.
• Delivery Charges: Delivery charges dress ke weight  ke hisab se liye jayenge jo final bill mein shamil honge.
• Refund Policy: Agar product deliver nahi hota toh payment refund hogi (Packing charges  kaat liye jayenge). Agar buyer advance payment karta hai, to usay doorstep (deliver hotay waqt) hi  dress ko achi tarah check karna hoga. Agar dress picture ke mutabiq na ho, damaged ho, ya product details se mukhtalif ho, to buyer ko poora haq hai ke wo dress usi waqt (on the spot) wapis kar de. Taham, ek baar dress receive honay ke baad, chand ghanton ya dinon baad ki return request qabil-e-qabool nahi hogi
• Wapsi ki Shart: Mind change hone ya mamuli color variation ki surat mein refund nahi hoga.
• Unboxing Video: Parcel kholte waqt video lazmi banayein. Kisi bhi maslay ki surat mein video proof ke Bagair Complaint tasleem nahi kiya jaye ga.

2. For Sellers 

A. Pricing & Discount System 

Sellers ko chahiye ke wo dress ki condition ke mutabiq original (Bought) price se discount lazmi den:

• Brand New (with Tags): Original qemat se 25% – 30% kam.
• Once Used (Ek baar pehna hua): Original qemat se 30% – 45% kam.
• Gently Used (Istimal shuda): Original qemat se 45% – 60% kam.

B. Platform Commission & Shipping

• Service Fee: Marjan Wear har Successful sale par Product Price ka  15% Total Commission  charge karta hai. is k ilawa koi or hidden charges nahi hain.
• Shipping: Delivery charges buyer ada kare ga (weight ke hisab se), is liye seller ko shipping ki fikar karne ki zaroorat nahi.
• MwXRw Shipping: Agar aap hamara shipping system use karte hain, toh dress 30 din sale na hone ki surat mein aap wapis mangwa sakte hain.

C. Quality & Authenticity

• Listing Details: Seller dress ki mukammal aur sahi detail add kare. Ghalti ki surat mein 2-4 ghanton mein WhatsApp par rabta kar ke theek karwayein.
• Invoice/Proof: Buyer ki demand par Official Invoice ya Brand Tag/Proof dena lazmi hai. Invoice na honay ki surat mein admin market rate ke mutabiq qemat tay karne ka haq rakhta hai.
• Strict Action: Ghalat maloomat, Scam ya low-quality  saman bhejne par seller ko Permanently Blacklist kar diya jaye ga aur unki listing delete kar di jayengi, legal action bhi liya jayga.